Hrafnkell A. Jónsson verður jarðsettur í Egilsstaðarkirkju föstudaginn 8.júní, klukkan 14:00. Erfidrykkja verður í Menntaskólanum á Egilsstöðum ( Hótel Eddu ) að athöfn lokinni.

Þeim sem vilja minnast hans er bent á Hollvinasamtök sjúkrahússins á Egilsstöðum.

 Hrafnkell A. Jónsson er látinn, hann lést á sjúkrahúsinu á Egilsstöðum síðastliðið þriðjudagskvöld, 59 ára að aldri. Hrafnkell var fæddur á Vaðbrekku í Hrafnkelsdal og ólst upp í Klausturseli á Jökuldal.

Pabbi bað mig um að setja nokkur orð hérna á síðuna hjá sér. Eins og fólk hefur séð hefur pabbi verið að glíma við erfið veikindi. Í byrjun árs fékk hann hins góðar niðurstöður úr tékki, þar sem niðurstaðan var sú að engar sannanir væru fyrir framgöngu krabbans í hausnum. Það ríkti því mikil bjartsýni um að nú lægi allt upp á við.  

Það er reyndar merkisdagur í dag. 3.febrúar. Gærdagurinn var annars dálítið merkilegur líka, þá áskotnaðist mér nýr sjúkdómur. Þögult hjartaáfall. Ég er ekki að spauga. Þeir fundu þetta norðfingarnir.  Þá hef ég fengið aðsif, krabba við heila, blóðtappa og ég gleymi sjálfsagt einhverju. Þessi síðasti sjúkdómur er fúll því ég verð algeru hreyfingarrleysi, má ekki fara heim.  En þetta er eitthvaðsem ég skil ekki. Til að finna þessa kvilla er ég búinn að fara tvisvar í myndatöku á Akureyri, tvisvar á Norðfjörð, tvisvar með sjúkraflugi Egilsstaðir/Reykjavík og einu sinni í áætlunarflugi. Ég kvarta ekki undan því að ferðast með Steina frænda mínum. Hjálpsamari mann er ekki hægt að hugsa sér. Það sama gildir um allt starfsfólkið á Egilsstöðum eins er á öllum þeim heilbrigðisstofnunum sem ég hef gist. Ég velti því samt fyrir mér hvort ekki mætti treysta starfsfólkinu á Egilsstöðum fyrir myndavél. Það kostar að hafa sjúkrabíl á rúntinum.